修憲表決同補選投票，前者涉及13億、14億人口，關乎習近平未來稱帝嘅風光之途，後者則只在於三個地區同一個功能組別議席花落誰家，而立法會嘅勢力分佈，實際上大局已定，據聞36位港區人大代表3.11唔使再煩惱要京港兩邊走，議決咗一致留守北京等住下午修憲投票，唔使返港助選及投票。

其中一位港區人大代表、民建聯葉國謙就直指全體港區人大唔返港，強調「（兩者）含金量完全係不能比較」，皆因憲法涉及成個國家嘅運作規範，補選投嗰票只不過係70分之一嘅席位！

又咁講，佢哋嗰幾十票似乎唔會影響補選結果，但習大大嘅面子，卻一點不能少，而若然勞師動眾返香港，最後都係敗選收場，畀人感覺都唔好睇。識得揀，大家都知點樣揀！八方相信呢個留守決定，部份港區人大暗地開心到笑！

【倒數4日】立會補選新聞，《蘋果》一網睇晒
http://bit.ly/2FPhzgY