港片《狂舞派3》主題曲歌詞籲守護香港 MV畫面含自由抗爭意味
蘋果日報 2020/12/08 22:20
狂舞派主題曲黃修平Rapper Heyo歡迎嚟到呢座城市
由黃修平執導的《狂舞派3》，憑主題曲《歡迎嚟到呢座城市》入圍金馬獎最佳原創電影歌曲，雖然歌曲未能獲獎，但歌詞中的入肉金句卻獲得不少香港和台灣人的共鳴。當中歌詞提到「生活被失蹤、究竟搞乜春」、「即使已走到路口，你與我各有路走，我繼續設法去戰鬥，去建構我嘅綠洲」、「係時候解封，捍衛自由，係時候發功，我哋為咗發夢，可以去到幾盡」、「舉起拳頭，我哋就話比你哋知」、「我哋就係代表住呢一個城市，我哋曾經都相信，有公平，但係點解只係，淪為形象嘅工程」、「以我哋嘅名字，嚟伸張正義，去守住呢個都市」歌曲中幾乎每句歌詞都帶出自由抗爭的意味。此情此景，作為土生土長的香港人，聽到這曲，很自然便會牽動情緒。
日前，《歡迎嚟到呢座城市》的MV在各大平台上架，歌曲部份分為開首的童聲，之後引入Hip-Hop說唱，配上大量一針見血對社會作出強烈控訴的歌詞，整首歌充滿矛盾衝突玩味，稚嫩的童聲配上憤怒的Rap唱，卻又意外地和諧協調，或者在另一個角度看，香港人覺得歌曲旋律和氛圍沒有違和感，是由於在去年6月開始，我們早已習慣面對荒誕離奇的社會現象。MV影像中亦不時出現「自由、正義、公平」等字眼，此時此刻，相信不少港人亦能心領神會。
黃修平：戲中有歌歌中有戲
對於《歡迎嚟到呢座城市》的歌詞和MV畫面反映現今香港狀況，《狂舞派3》導演黃修平今日接受《蘋果》訪問，他表示電影歌曲和《狂舞派3》中的電影內容有莫大的關連，直指「戲中有歌，歌中有戲。」他表示在2018年尾已經拍完電影，而戲中不乏大量唱歌場面，所以有不少歌詞是抽取戲入面出現過的歌曲，再重新排練，而整首歌的結構，黃修平指是完全來自戲中最後一場高潮位的鋪排。他說：「如果大家覺得聽完呢首歌，意外地諗到其他身邊發生嘅嘢，呢樣我都控制唔到。」
至於有份作曲、填詞及主唱的Rapper Heyo回應時，同樣指歌曲是配合電影故事發展而下筆，問到現時聽到哪句歌詞最大感觸，他說：「覺得係『到底要點去解開纏繞幾代人既繩結，我哋要點去承接，咁樣至叫做明智』呢句。其實呢個地方面對嘅，唔係一代人嘅問題，甚至係好幾代人嘅共業。有啲想去殺一儆百，而家戰爭係喺貿易層面，以資源壟斷謀殺着理想嘅生命，科技進步咗，落後嘅係文明。但我就係一個因為悲觀而要樂觀嘅人。」
《歡迎嚟到呢座城市》歌詞金句
--呢度此路不通，逼住跟住系統，生活被失蹤，究竟搞乜春。
--都市下沉中，制度穿晒窿，響起警鐘，我哋繼續街頭播種。
--係時候解封，捍衛自由，係時候發功，我哋為咗發夢，可以去到幾盡。
--到底要點去解開，纏繞幾代人嘅繩結，我哋要點去承接，咁樣至叫做明智。
--你要記住我哋嘅訴求，係又冇去到有。
--已經無辦法做幫兇 ，你叫我又點樣可以持續咁樣，活喺你嘅惡夢。
--我都想變得和睦 並唔係惶恐，之但係呢個森林入邊充斥太多害蟲，已經唔想啞忍。
--我理得你乜黨乜派，你咪見人哋喺度鬧你 你就賴得就賴。
--我只係要你正視，一個城市，應該由佢嘅人民定義，呢啲係我哋嘅事，係大家嘅事。
-- 以我哋嘅名字，嚟伸張正義。
--去守住呢個都市，以我哋嘅名義。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！