【記者馮婉嫺報道】具國際認可資格的香薰及身體按摩治療師馮麗明指出，近一星期預約按摩的客人增加，客人做按摩的次數也較頻密。她表示，睇波後肩頸痠痛與長時間坐下而缺乏運動，以及坐姿不正確有關，「好多人睇波眼定定對住部電視機，個頭長時間唔郁，有啲挨住梳化、按摩椅睇，以為好舒服，其實仲衰，坐嘅姿勢唔啱，啲力卸晒落梳化，好傷腰頸同膊頭。」

精神亢奮難以入睡

她指出，球迷睇波後精神亢奮，難以入睡，只睡數小時即上班，疲勞影響循環系統，阻塞淋巴，令身體產生毒素，上班使用電腦令肩膊負荷更大，長期會發展成圓肩症，必須盡早減壓，否則手尾長。近年在港流行的印度式頭肩頸按摩，主要放鬆頭部神經及頸肩肌肉，並可疏通淋巴，適合長時間捱夜的球迷。
接受印度式頭肩頸按摩時可坐着，按摩師以手指按壓頭額及肩頸，令草本香油滲入神經及肌肉，半小時已達鬆弛效果。若要進一步鬆弛頭部，可接着做印度滴油按摩，以器皿盛載的草本暖油經棉線直接滴向眉心，滲入頭部內分泌系統，疏通淋巴，有助排毒及減輕頭痛，改善失眠，「球迷做完夜晚睇波，嗰晚好快瞓着，唔再失眠，有人幾日做一次減壓。」