頭先至講起香香公主塊面脹卜卜，兩邊面頰脹到好似個波咁，成個麵包超人咁款。原來中國小姐趙哲妤（Uny）都係。今日佢化身聖誕仙子，性感出席抽獎活動擔任抽獎嘉賓。Uny話今年聖誕要單身過，雖然有男仔約，但係對方第一次約會就話要一齊去旅行。又真係太快啵。

Uny話上一個男朋友已經係咁，去完旅行就米已成炊，之後就分手。所以今次唔想咁蝕底。未享受過被追求嘅感覺就要做人哋女朋友，仲要好似「預支蜜月」咁﹗