所謂魚翅粉絲各有支持，唔少後生馬迷入去跑馬地馬場，最鍾意可能係蒲啤酒園，事關平時跑谷草夜馬，真係見到有好多年輕人在附近蹓躂。

咁啱呢晚（13日）有唔少後生馬主有馬出賽，好似第三場「戈寶」馬主摯友會團體幾位成員，除咗年紀相近，仲同上一代打成一片，當中Roger顏志永就同阿爸阿媽顏培英及顏吳餘英，呢晚有隻「超好玩」跑第七場三班1200米。

另一位成員黃成藝同老竇外父等組成一家團體，呢晚又有隻「帝聖寶貝」出賽，最開心嘅係分三場叫三飛，咁就成班人可以滿場飛，而「戈寶」、「超好玩」及「帝聖寶貝」呢條三串七WP過關，亦買少少冇害吖！