昔日三級片女星、37歲嘅林雅詩，05年與從事鋼鐵生意嘅商人男友溫文英奉子成婚，翌年誕下一子，林雅詩自此亦收起性感，專心相夫教子。息影12年，林雅詩狀態依然fit爆，更然變得活躍，還不時問老友陳昭昭及梁焯滿有冇剪綵或者登台騷，又突然復出拍寫真。

之前已有傳林雅詩婚姻亮紅燈，林亦謂唔想靠男人云云。事有湊巧，於復出拍寫真之報道刊出同日，林雅詩左手手腕纏上繃帶出席活動，承認發生「少少意外」鎅親，又指自己係兒子學校家教會成員，因為出寫真一事，令其飽受白眼，壓力極大，更需向家教會發聲明，以正視聽。(新聞連結: http://bit.ly/1KD5MeP )

林雅詩之前已表示兒子已經轉校，但佢因為任期至十月，故仍留任家教會。今日林雅詩到油麻地出席活動，自爆囝囝有到場打氣，但當記者要求合照，即扭擰讓兒子離開。

對於外傳林雅詩婚姻亮紅燈，林雅詩雖否認，但言談間讓人感覺佢同丈夫關係疏離。林雅詩稱獨力湊仔有壓力，瞓唔好:「但老公太忙，唔可以依賴。」問到丈夫可支持出寫真？林雅詩都係嗰句:「佢唔知，我冇問人反應，佢唔睇娛樂新聞，順其自然，佢睇到就睇。」

林雅詩又稱，丈夫因工作早出晚歸；對於被指關係疏離，佢話:「大家唔管大家嘅事，工作靠自己。」提到居於西貢豪宅，林雅詩尷尬地謂:「你睇我好啫。」