送中肯定會造成流亡香港嘅中資從樓市撤資，加上香港政策法被廢風險，樓市風險極大，實在諗唔到有樓人士不反送中的理由，以下慢慢講原因。

逃犯條例修訂引發美國議員提出修訂《美國-香港政策法》。即使有報道引述美國官員話，《美國-香港政策法》修訂機會不大，但你唔知所謂美國官員，係咪對華鴿派嘅美國財長姆欽陣營？家陣好似鷹派納瓦羅、班農佔上風。由於《美國-香港政策法》係由美國國會通過，廢除自然經由國會話事，正路地，會成為特朗普向習近平施壓嘅其中一個環節，《美國-香港政策法》係撤回逃犯條例修訂嘅條件之一，但肯定會加插其他項目，成為一個package，特朗普務求將美國談判本錢最大化。

《美國-香港政策法》影響，就在於進口美國貨要畀關稅，例如國泰（293）買飛機，變咗要買歐洲Airbus，部份機器要畀稅、或轉用國產貨，食品最多轉晒做日本貨，珠寶都係買得起就買啫。同時會影響投行喺香港投資意欲（基本上逃犯條例已逼投行縮減投資）等等。如果修訂逃犯條例同廢除《美國-香港政策法》係同時發生，殺害力就相當大。因為係優惠政策、經濟自由度、資金流同經濟同時重創，樓市真係頂得住？

等數字話你知，貿發局6月發咗份經貿研究報告，其中，2017年香港主要服務輸出市場當中，美國佔14.3%。2017年，英屬維爾京群島同開曼群島（代表不明來歷）嘅主要投資者比例達四成！估計大部份來自中國，至於中國名義主要投資者佔25.5%，美國只佔2.1%。2018年母公司所在地，有18.3%來自美國，11.4%來自中國。大可以參考，推送中加廢除香港政策法，對香港禍害有幾大。

晉佳

6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多