意大利總理貝盧斯科尼同意辭職，帶動美股周二造好，加上內地通脹由高位回落，利好A股，恒指噚日亦乘勢重上兩萬點關口，升335點。
既然個市欲罷不能，就繼續喺板塊尋寶，電力股早前威完之後，噚日輪到電池股蠢動，當中又以天能動力（819）最有睇頭。
天能主要產銷自家品牌「天能」動力電池，為中國領先電動自動車嘅電池供應商，截至今年6月底止，中期賺2億人仔，按年勁增95%，毛利率亦大升4.2個百分點至22.5%。
十二．五規劃講明要催谷純電動車市場，天能亦已經同73家新能源車企建立合作關係，未來產品需求只會有增無減。
股價走勢方面，天能噚日收報3.82元，升6.7%，一舉升穿50日線，動力明顯轉強，息率3厘亦夠晒穩陣，戰友可候2.75元水平吸納，目標價4.20元，跌穿3.5元止蝕。
唐牛