又係一帶一路。今次嘅一帶一路，係同中醫有關，佢哋拍咗個節目，叫做《一帶一路醫藥行》，由浸會大學中醫藥學院協助拍攝，合作單位仲有「超藝理想文化學會」同浸會大學尚志會，節目於本月17日於無綫首播。

《一帶一路醫藥行》今日於浸大舉行啟播儀式，出席者包括「超藝理想文化學會」嘅榮譽會長陳復生。賭王何鴻燊胞妹「十姑娘」何婉琪，是陳復生前家姑。十姑娘今年六月病逝，其長女麥慧貞多年來一直未能見母，就連母親後事，亦需四出打探才知。日前麥慧貞接受傳媒訪問時稱查證母親的遺體已於上月火化，儀式上何家親友亦未有出席。

今日陳復生被問及此事時，她稱亦有留意十姑娘的新聞，並稱：「係傳媒朋友問我嗰陣我先至知（死訊）。知道嗰陣心情當然係難過同無奈，但係佢都已經好高齡，都九十幾歲喇，如果佢見到呢個節目，佢應該會好安慰。」說時突然感觸眼紅紅。

陳復生續道：「我奶奶……我前奶奶雖然係外國人，但佢好相信中醫學，不過唔緊要，佢依家喺天上面，都應該睇得到嘅。」

問及何家的家族成員可曾聯絡她協助辦理十姑娘後事？陳復生稱：「我都係睇新聞先至知呢件事。」麥慧貞稱已多年無法聯絡母親，那陳復生近年可有聯絡十姑娘？「都冇喇，始終都離咗婚9年，都真係冇見過。」至於稍後會否往拜祭，她未有正面回應。