自言受洗眉失敗困擾的鄧小姐稱，去年11月翻閱雜誌，得悉一美容院推出一種以「神奇抽色水」的洗眉技術，聲稱「不損皮膚、不留痕迹」。鄧小姐稱，她曾多次以激光洗眉，但效果不理想，一直希望洗去多年前紋下的眉色，故親往美容院查詢。

「嗰刻好似火燒咁痛」
「佢哋話兩次就一定洗清；當藥水滴喺眉上時，已覺好似火燒咁痛；佢哋話唞半個鐘就冇事，其間重不斷游說話做facial可紓緩，我照畀錢做，但做完都依然好痛；佢哋就話過幾日就冇事，但我之後都要食止痛藥！」
鄧小姐稱，數天後，傷口脫痂且持續痛楚，美容院着她即再多洗一次，七天後可完全康復；惟這次令她更痛入心脾，傷口更紅腫及滲血；疤痕仍留至今，但舊有紋眉色素卻只減淺少許。
「醫生話七日根本唔夠傷口復原，若其間再受傷就會有疤痕，就好似我𠵱家咁，係唔會褪！」
前往同一美容院洗眉的曾小姐，所述情況與鄧小姐大同小異。曾小姐稱，她在美容院洗眉後再進行柔眉，因紋眉部份未能洗去，她兩邊眉部各形成兩道眉毛；令她大受困擾。