34歲前鋒尹佩斯，今輪國際賽獲荷蘭國家隊重召，犧牲真係好大；事關前一仗作客以0:4大敗予法國，尹佩斯後備入替下，仍然弄傷左膝韌帶，好大機會提早收咧。

尹佩斯受傷後，已經返回效力嘅土超費倫巴治，據土耳其傳媒報導，軍醫檢查尹佩斯傷勢時，發現佢左膝有韌帶撕裂情況，一般需要缺陣6至9個月，不單10月對瑞典嘅世界盃出線生死大戰，肯定唔使預佢，連今季土超復出機會都唔大。