蕭百君為香港養馬大戶，家族成員在香港合共擁有十多匹馬，今季成績十分理想，剛星期三（5日）又憑「勝利專家」及「勁哥兒」起孖，氣勢一時無兩。

周日（9日）國際賽馬日蕭氏家族，除「馬克羅斯」及「鷹雄」備受矚目外，第六場一班1600米方嘉柏馬房「百獸王」都不能夠睇小。

星期四（6日）早上六點半此駒由助手策騎與廐侶「川河尊駒」大圈拍跳，練馬師方嘉柏在烽火台二樓全程用望遠鏡睇到實，隨後又走到隧道內接馬，並且一路跟隨馬匹返馬房。

「百獸王」外地馬名叫「藍星虎」，在英國曾勝出三場頭馬，潛質優厚，今次雖然初出亦絕不能忽視。