中國女排一行13人殺到香港，值得球迷關注嘅唔再只係隊長惠若琪，細心睇其實陣中仲有型男、BB一樣搶眼。講緊嘅係內地排壇「男神」張曉雅，同埋只有19歲嘅主攻BB張常寧。

雖然副攻張曉雅係女排代表，但打扮一向男性化，帥哥面孔唔止迷倒內地粉絲，舊年仲上過電視台做鋼琴王子，用琴技掀起熱話。而19歲嘅張常寧更加係出身名門，爸爸同哥哥都係排壇教練同球員，呢位萌爆主攻今日首次隨國家隊到港，面對記者追訪嚇到唔敢出聲，只係話自己小學時嚟過香港。反而見佢今朝起飛前，就喺微博上載自拍照，加埋我見猶憐嘅眼神話自己唔夠瞓，見到都戥佢心痛呀！

賽事禮拜四先喺紅館開打，但呢兩位男神女神聽朝就會現身又一城shopping，之後又會去紅館訓練，想一睹佢哋嘅真面目就要密切留意喇！

中國女排行程表
14/7(二)
9:30am中國隊推廣活動九龍塘又一城
3:30pm中國操練紅館
15/7(三)
9:00pm中國操練土瓜灣體育館
3:00pm記者招待會紅館
6:30pm歡迎晚宴都會海逸酒店