日本過氣歌姬濱崎步，去年12月失驚無神宣佈同細佢十年嘅美國醫科大學生訂婚，更拖住未婚夫返日，但佢被踢爆同澳洲奀星前夫根本冇正式註冊，被懷疑今次都係玩玩吓。

但步姐今日就喺其歌迷會網站以「Justmarried」為題，宣佈已正式結婚。其發言人指步姐同醫科生丈夫上月已於美國註冊，而步姐前日演出完東京時裝騷後已返美，今日由其母親及代理人代佢兩個註冊。