當年今日
關於我們

【李八方online】葉劉元秋李慧琼三「紅」娘密斟

蘋果日報 2016/02/25 06:00

民建聯曾俊華劉慧卿李慧琼葉劉李八方ONLINE

財爺曾俊華噚日發表「紅噹噹」預算案之後,今朝出席立法會財委會講解預算案時,多達4名女議員突然以「利是封」造型現身,當中包括今晚搞黨慶嘅白鴿黨主席劉慧卿、民建聯主席李慧琼、元秋同噚日狂寸鬍鬚曾嘅葉劉。葉劉話,今日著得咁紅,因為晚上要出席白鴿黨黨慶咋。

噚日爆seed嘅葉劉,今日席上未有機會提問,因為佢遲咗近15分鐘先到場,一入場仲唔係即時「埋位」,而喺坐喺民建聯鍾樹根隔離一陣,之後先返自己原位。期間三「紅」娘葉劉、李慧琼、元秋密斟,至會議中段,葉劉提早近一小時離場。葉劉今日唯一向財爺「發炮」機會,係喺慢必發言引述佢噚日鬧曾俊華「賣口乖」期間順勢加把口話港人真係「好受」,慢必就話,「可惜香港好多官員連賣口乖都唔做」囉。