噚晚喺世界各地有好多唔同嘅倒數活動迎2016,電視台當然都乘機搞騷,其中內地嘅浙江衛視就搞咗個《奔跑吧2016》跨年演唱會,打正旗號搵嚟《奔跑吧兄弟》嘅成員,包括黃曉明太太楊穎(Angelababy)等人現身演出。
Baby以紅西裝襯白恤衫打黑帶現身,聯同《奔跑吧》其他成員唱主打歌《超級英雄》炒熱現場氣氛,喺佢自我介紹時,班觀眾仲好識做咁着住粉紅色閃燈、又嗌住「Baby,Baby」幫佢助陣打氣,0氹到Baby鬼咁開心,仲笑住祝福大家:「祝大家2016有粉紅色的心情。」
之後Baby換咗度黑色星星套裝裙晒腿現身,佢同台上嘉賓齊齊回憶2015,主持人大讚佢係「最幸福的女人」,當佢被問到婚後生活動,Baby就話:「今年確實發生了挺多人生大事的,雖然沒和家人一起過年,但還有我的兄弟們挺好的。」之後佢擔任「年度應用排行」嘅頒獎嘉賓,仲唱咗偶像周杰倫嘅《都要微笑好嗎》添!