o靚模許穎(Phoebe)早兩日無啦啦喺微博po咗張玉腿伸出被外嘅相，仲加句「AV制作中」，令人以為佢下海拍AV，今日佢終於現身，不過死口唔認拍AV，仲叫人唔好諗「鹹嘢」，但轉頭又話自己套(A)__(V)ideo可能有三點盡露嘅情況，讀過藝術文學士嘅佢，之前畢業展已經用假陽具做功課，仲話:「想表達性係好正常嘅嘢，但大家提起又會尷尬，所以我將性玩具混合喺充滿童真嘅雪糕入面，希望大家正面面對。」唔知佢套(A)__(V)ideo點樣露三點得嚟又唔鹹又唔三級咁精神分裂呢?佢同記者嘅對答如下:


記:你係咪拍AV?
P:其實大家都唔好諗到咁鹹，唔係嗰一隻AV囉，唔係你地諗得咁鹹嘅嗰一隻AV囉， 我係搞藝術啫。

記:邊一類型?
P:其實AV嗰一樣嘢，都會有相喺裡面嘅(咩相?)我自己嘅相，類似寫真集咁，但嗰本嘢就唔係寫真集囉，因為我自己不嬲都係讀Art啦，即係我都會一手一腳自己做啲嘢喺裡面比大家睇嘅

記:一本書定一隻碟咁出?
P:書又有，VIDEO又有，係真係AV囉，VIDEO。

記:A係StandFor咩呢?Art?
P:Er...歡迎你哋幫我諗下個A字係咩嘢。

記:咁個尺度係?
P: 其實冇咩尺度，我自己影嘅相一直都冇尺度嘅，我做Art方面嘅嘢就更加冇尺度(三點露晒?)裡面個啲嘢可能會有o架，我諗主要係喺本書裡面啦。

記:有冇男主角o架?
P:我以女仔為主啦，當然我係主角啦，我對女仔興趣大啲，我覺得女仔嘅身體多啲位可以欣賞(幾時出呀?)盡快啦。

記:怕唔怕比人話你貨不對辦呀?
P:唔會，我由頭到尾都話出AV嘛，咁我真係出AV嘛，(都係捉字蝨)我本嘢入面都可能代表一啲有味嘅嘢嘅，但唔一定係性愛。