【阿女天份高】最好嘅父親節禮物！ 鍾鎮濤父女同台合唱

蘋果日報 2018/06/17 18:15

jw鍾鎮濤吳若希鍾懿王灝兒明愛暖萬心
    65歲嘅B哥哥鍾鎮濤尋晚帶埋13歲嘅囡囡鍾懿，聯同陳潔靈、區瑞強、王灝兒（JW）、吳若希等為《明愛暖萬心》演出，父女同台合唱。
    B哥哥話囡囡喺歌唱方面天份好高，不過因為兩父女鍾意嘅歌唔同，所以佢都特別去練習阿女鍾意嘅歌，講到父親節，阿女有冇準備啲乜？鍾懿就話已經準備咗驚喜畀爸爸，而B哥哥就話之前阿女都試過整早餐同蛋糕畀佢食，不過可以同阿女合唱已經係最好嘅禮物。
    吳若希話父親節老公要去公幹唔喺身邊，唔會特別慶祝，阿女依家歲幾人仔，正正係最可愛嘅時候，吳若希話之前送咗自己設計嘅個銀包畀老爺，依家老爺日日袋住孫女張相喺銀包，得閒就拎出嚟畀大家望下。
    而早前上《美女廚房》被瘋狂負評嘅JW就表示，平時所有嘅都係傭人姐姐或者阿媽代勞，往後亦都唔打算練習劏魚，佢就話自己其實都有煮下嘢食，而且男友都試過，仲話係全世界最好味。
    精選娛聞，喺晒《娛果》
    http://fb.com/appledailyent
    empty
    B哥哥鍾鎮濤尋晚帶埋13歲嘅囡囡鍾懿為《明愛暖萬心》演出
    empty
    父女同台合唱。
    empty
    B哥哥話囡囡喺歌唱方面天份好高。
    empty
    講到父親節，鍾懿就話已經準備咗驚喜畀爸爸。
    empty
    吳若希話父親節老公要去公幹唔喺身邊，唔會特別慶祝。
    empty
    早前上《美女廚房》被瘋狂負評嘅JW就表示自己其實都有煮下嘢食。