王子涵、張惠雅（Regen）、組合BOP（前名：天堂鳥）和Bingo、鍾采羲等藝人，今日到灣仔出席食店開張儀式。王子涵今次沒有投資，但眾所周知她有爸爸王晶強大後盾，她笑說：「阿爸有還佢有，我還我，自己都想搞飲食業同時裝生意。」

早年王子涵以六位數私己錢和莊思敏合資運動品牌網店，之後因各自各忙生意暫時擱置：「因為我對做生意唔太認識，都係要睇佢頭。」未翻本就停工，豈不是蝕大本？王子涵說：「其實係準備好多嘢，唔係話蝕嘅，係未行到，有開始過維持半年左右，做網店已經負擔少好多，我投資好細啫，莊思敏多過我，現時貨品存倉，唔使鋪租已經慳好多，運動服裝冇咁季節性，唔擔心會過時，希望下年可以重新推出。」生意突然煞停，令人聯想兩人不和，王子涵笑着否認：「唔係，我哋不知幾friend，真係大家太忙。」王子涵一向有爸爸支撐生活，近日工作量增多，她坦言：「做嘢後儘量少問爸爸攞錢，唔可以話冇，我仲住喺佢屋簷下。」

Regen剪了一頭短髮，她指新形象新開始：「以前擔心剪短頭髮難搵男朋友，擔心咗四年驚嫁唔出，最近一年思想改變咗，覺得一個人都幾舒服，可以做下自己嘢，唔急於結婚。」並透露日前好朋友何佩珉結婚她竟然搶到花球，不過更令Regen擔心，她說：「人哋話搶到花球一係就半年結婚，唔係就要等三年，所以通常搶花球係拍緊拖，而唔係冇男朋友去接花球，林秀怡都做咗好多次姊妹接咗好多次，所以到而家都未結婚。」Regen笑言最初都怕要等三年：「而家要分身經營餐廳生意同工作， 如果只諗結婚就會規限自己，唔可以急於一時。」

《蘋果動新聞》訂閱新世代
4月開始免費訂閱，現在接受登記！
http://bit.ly/2TCfHRS
=============
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/XnWR0MLFmV