事主陳先生忿忿不平道：「明明事先話係P（最優惠利率）減0.75%，但點知簽約嗰刻先發現利率係P減0.5%，萬一我簽咗咁點算？前前後後搞咗四個月，其間都冇話過畀我知會改利率，搞到我被間銀行拖咗幾個月都重未轉到按。」
陳先生於今年七月致電中信嘉華銀行申請負資產樓宇轉按，職員於電話中初步批核時稱，可提供利率P減1.25%，着他提交進一步資料以待審批。直至九月五日，職員聯絡陳先生稱，經審批後，只能提供利率P減0.75%，並代他填好樓宇按揭申請表，着他考慮簽署。陳先生說，經思量後，覺得可以接受，遂簽回轉按文件。
十五年多付三萬元
十一月十二日，陳先生收到中信嘉華銀行職員來電稱，已辦好按揭文件，着他前往律師樓簽署。但他簽約當日始發現合約上利率是P減0.5%，而非職員所指的P減0.75%。「我收到電話嗰日已經問得好清楚，但職員重話係P減0.75%，好彩我咁啱有留意，如果簽咗咁點算，十五年還款期都相差三萬幾蚊。銀行係有權改利率，但前後成四個月，有改動都應該通知我，無端端咁就被銀行拖咗咁耐！」陳先生事後曾向中信嘉華投訴，但只獲覆職員弄錯，令他更感氣結。