炸雞髀一向受香港人歡迎，不過再喜歡吃，都應該不及荃灣新開業的雞髀爸爸，老闆兩夫婦純粹是門外漢，「我們沒經驗，零經驗，只是因為我們有7個小朋友，真的個個都喜歡吃雞髀，爸爸不想他們出街吃太多味精，所以就會自己整住家式，沒味精的小食給子女食。」

雞髀爸爸老闆蕭生蕭太，人稱爸爸及媽媽，「每位朋友不知道為甚麼，都跟着我們兒女叫爸爸，叫多了爸爸、爸爸，反正你賣雞髀，不如你叫雞髀爸爸啦！」爸爸本任職汽車美容，媽媽就本是髮型屋及街市，完全同飲食扯不上關係，「因為小時候爸媽返工，夜晚回來又沒人煮飯，我要自己煮給弟妹吃，慢慢煮下煮到現在，老婆不會煮飯，我就煮給小朋友食。」爸爸說。

得到家人朋友的鼓勵，兩夫婦就決定在疫情下，舖租稍為回落時開店；爸爸負責廚房，媽媽做樓面及對客工作，偶爾一班子女亦會落舖幫忙。舖頭出品有心思，全部自家醃製，媽媽透露，「爸爸都會盡量買食材自己醃製，他不希望有味精加給客人進食，可以自己調味的小食，都會自己做！」

小店主打仔女最喜歡的雞髀，「我們會用320克左右的巴西雞髀，通常加酒、糖、醬油及少少蔬菜調味就夠，醃過夜，帶點蔬菜的鮮甜味，亦可辟去雞肉的雪味。用140度炸7分鐘，拿起後等1分鐘再翻炸，除去舊油後就可以上碟。」雞髀分生炸及脆炸（$28）兩款，全部都是落單後即炸，確保新鮮熱辣，生炸最受歡迎，因為少了外層的脆粉，吃起來更加清爽不膩，外脆內軟。另有一系列炸物小食，如爆脆魷魚（$26）香口煙韌，調味略淡，店內共提供6款調味粉：海苔椒鹽、孜然、川辣粉等，建議按口味自行添加；柚子蜜味雞翼（$28）拆成單骨雞翼，加上柚子蜜，酸甜開胃。

飲食業一向困身，不過夫妻倆都好享受，媽媽笑言﹕「現在是更累、更長工作時間，但是就算多累都好，爸爸是好享受煮東西給人食，然後被人讚的那一刻。」

採訪、攝影：《飲食男女》

地址：荃灣鱟地坊74-78號天保大廈地下E2號舖

電話： 5441 4062

營業時間：星期一至日1pm-11pm

-----------------------------

免費推廣小店，《蘋果》18區分區小廣告，立即按此登記！

-----------------------------

工作辛勞想食餐好？《飲食男女》每日為大家示範三餸一湯！

-----------------------------

《飲食男女》全新酒鬼專用Facebook Group「酒鬼男女」，立即加入！

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android