早前《蘋果》曾報道，大摩睇重澳洲悉尼三屆冠軍騎師麥道朗，唔止出戰香港瓶（一級賽2400米）嘅「鷹雄」，喺國際賽日嘅本地賽事參戰馬交晒畀佢策騎。

估唔到騎練咁有緣份，今晚（4日）國際騎師錦標賽其中兩關，麥道朗抽中摩廐馬「活力飛彈」同「喜蓮彩星」，而且第三場嘅「壽臣」同尾場「各取所需」亦由佢壓陣，地位等同主帥。

大摩話三個星期前知道麥道朗落實嚟香港之後，立即打電話搵佢，並向對方表明自己會提供實力座騎，有殿堂級練馬師賞識，麥道朗當然開心應承。

大摩噚日受訪時，更加話佢騎姿好似香港一哥潘頓！

現年27歲嘅麥道朗，早喺2012年已策騎「軍事攻略」贏出冠軍一哩賽，騎練早就有合作基礎。

但另一樣令練者留下深刻印象就係上季騎者策「不羈的風」後上打叠贏出田草1400米，大摩一直認為「不羈的風」唔容易發揮。

但麥道朗騎後勁馬嘅功架十足，所以今季佢重臨香港，即大力支持，下期國際賽日（8日）「不羈的風」再戰田草1400米，梗係配番呢位贏馬功臣啦！

尾場三班1200米隻「各取所需」，上場初出出戰田草1000米，即係沈拿胯下跑獲季軍，復課後呢位意大利好手快跳過兩課，不過麥道朗強勢「襲港」，前者要無奈讓路。

早喺舊年，「各取所需」仍喺澳洲服役時，麥道朗已騎過隻馬兩次，獲得1冠1殿，人馬早有默契，練者表明唔擔心「各取所需」應付窄場嘅能力，話唔定呢對騎練未跑大賽前，先喺谷草贏馬。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇