「周一情侶」宋智孝同Gary嘅緋聞傳足N年，佢哋又好樂意繼續玩曖昧，留無限想像空間畀大家，好似噚日播出嘅一集《RunningMan》（RM）咁，智孝又唔覺意洩漏咗佢同Gary嘅親密關係，搞到劉在錫都忍唔住問智孝：「約會過吧？」

呢一集《RM》講述眾成員要根據Gary提供嘅線索，救出被關在密室嘅Gary。Gary發現窗外可以見到漢江，又聽到火車聲音，從而知道身處自己屋企附近纛島遊園區嘅事實。得到提示嘅劉在錫首先揸車駛向清潭大橋，呢個時候，智孝竟然可以非常準確地知道去纛島遊園區嘅路線，似乎經常去開嗰頭，令劉在錫都懷疑佢成日去Gary屋企，問佢係咪約會過，場面搞笑。