早排網民發起熄電視行動，有得第一次就有第二次，網民正發起於今個月19號無綫台慶當晚再熄電視行動。

今日佘詩曼、梁靖琪同陳明恩等藝人，喺旺角出席福幼慈善基金活動，阿佘預告今年會出席無綫台慶，咁19號晚網民嘅熄電視活動，阿佘又點睇呢？阿佘就驚訝咁話： 「又熄咩？唔好啩，我兩年冇返台慶喇，唔好熄電視啦！TVB有佢自己fans，台慶咁大節目應該有人支持。」

咁會唔會號召fans反熄電視行動？阿佘就話：「我唔會逼任何人做任何事。」

而無綫推出2014年月曆，但就畀網民狠批粗製濫造，有份拍攝的阿佘就話：「各花入各眼，第一次用3D效果，想有新鮮感畀觀眾，亦想豐富畫面。」

另外，Toby梁靖琪就撐住拐杖嚟到現場，原來佢拍無綫新劇其中一場打泰拳戲出咗意外：「角色講我係跆拳道高手，場打戲講我起腳，自己想踢高啲，但一起腳就失重心撻落地拗柴，左腳眼韌帶撕裂，要休養一個月，暫時跳拍文戲先。」