金融大鱷索羅斯賺錢叻就係人都知，原來以前幫佢做顧問嘅James Rosenwald III同樣威水。James與舊同學創立嘅對沖基金，今年首10個月回報有25%，贏同行成條街。
James早年幫索羅斯旗下幾個基金做顧問，之後同舊同學創立對沖基金Dalton。Dalton今年最賺錢嘅投資，就係台灣科技公司奇景光電（Himax）。
Dalton喺2011年以每股1美元買入奇景股份，今年7月奇景俾Google睇中，買咗6%股權，帶挈股份狂升，上周五收報9.43美元，Dalton真係賺到笑。
Dalton屬意投資由創辦人領導嘅企業，指呢類企業老闆同股東嘅利益一致，國企就可免則免。佢哋都鍾意香港地產商，指個別在港上市、資產分佈內地大城市嘅地產商，資產淨值仍被低估。

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange