南華在新球季將會繼續使用將軍澳運動場作為球隊主場，該隊特意在Facebook專頁解釋，全文如下︰

南華今季繼續使用將軍澳作主場
球季即將來臨，南華足球隊早前與足總聯絡後，對使用香港大球場的權利有所保留。

足總近年在頂級聯賽實施「主客制」，每隊分配一個「主場」，而且又須以聯賽排名來決定「揀場」的優先次序，多年來證明，令入座率不濟，因為睇波不方便而球迷卻步，是球市無法振興的元凶之一。

本來南華一直以香港大球場作主場，但上季因為此制度下竟然不能選用，被逼使用將軍澳，足主張廣勇博士多番爭取不果，結果被逼使用了將軍澳一個球季。

離開大球場一季，球隊反而獲得一個審視球圈環境的機會，我們認為，香港大球場只適合安排重要賽事，例如盃賽決賽，代表隊賽事或外隊比賽，在球市環境低迷環境下，並不適宜進行一般聯賽。

試想想，大球場有4萬個座位，但本地一場普通聯賽只能吸引數百觀眾，以南華叫座力或有過千人入場，但這個入場數字在大球場就有如閉門比賽，顯得無法凝聚氣氛。

不過，我們希望足總可保留南華使用大球場的可能性，例如聯賽榜首大戰丶關乎爭標的關鍵賽事，足總如能安排在大球場舉行，我們樂於配合。

聯賽冠丶亞軍球隊皆以旺角場為首選，而不選用大球場，理由不言而喻，亦是香港足球環境的最佳選擇。南華今季繼續選用將軍澳，正因為將軍澳於9月至明年1月維修，球隊主場比賽或可被安排在最適合進行本地波的旺角場上演，為時雖只半季，但起碼每場主場可望吸引3、4千觀眾以上，如果碰到重頭戲，如上次亞協盃八強對柔彿，旺角場掛紅旗是一個實質體驗。

以上是球隊今季選用將軍澳的理由，但情非得已，並會建議足總重新審視「主客制」，靈活使用香港寶貴的場地資源，更合理地分配及編排賽程，才是球迷之福。

不過有擁南躉在Fb留言狂插：
@KennethWong︰我地係百年大會，用左甘多年的主埸點解要自己放棄呢？
@KelvinLeung︰以前南華擺大球場都可以幾千人入場，因為以前南華踢好波呀，姓張既如果唔係盲麻煩睇下上季南華踢咩波，少人入場唔好賴地硬啦
@AndyFong︰想慳皮，咪直接講囉，講一大堆所謂嘅道理，無私顯見私
@HoYin︰你講大球場皮費貴，留錢請球員好過又或者說我無錢，大家還會接受，講這些垃圾言論，唔鬧你才怪
@ManLaw︰又要威，又要戴頭盔。
@JerryMok︰哼！睇完又得啖笑！唉！張生係咪身痕又想引人插你呢
@ManChan︰南華攞到冠或亞軍就冇呢篇文，多舊魚。全個超聯球隊都跟這個遊戲規則，剩係你一隊咩。
@YkaiLeung︰南華公關好保護張生做唔到事，有得用大球場點解唔用，南華會係大球場附近，點解去另一區。
@WaiManLeung︰點解有大球場做主場唔揀？南華歷年都以大球場為主場，已經好似家一樣。自上年開始，已經無了回家的感覺，今季又再無得回家？！

球迷群插、群情洶涌，不夠兩小時已經近80留言，過百dislike，南華足球隊又面臨另一個「關公災難」！