韓國女團AOA嘅前成員草娥，去年3月出席組合嘅演唱會後，就長達兩個月冇現身組合活動，引起退團疑雲。之後草娥又被指撻着年長5歲嘅企業家李錫鎮，更被影到遊日後一齊返韓嘅約會照，不過草娥否認戀情，並於同年6月透過Instagram宣佈退出AOA，而草娥最後一次露面已數去年7月出席品牌活動。

草娥今日28歲生日，久未蒲頭嘅佢就喺Ig感謝粉絲為佢賣廣告慶生，並以韓文、日文留言寫道：「我依家休息緊，多謝你哋咁樣為我慶祝，亦覺得好對唔住，我冇資格收咁大份禮物。我會將相儲存喺手機，會不時拎出嚟翻睇，唔會忘記呢份感謝嘅心。不過今後大家唔好再準備咁大嘅禮物喇，就算只係透過私信表達心意，我已經覺得好滿足。」

更多韓流，喺晒《娛果》
http://fb.com/appledailyent