今晚「國家打吡」都算係全球焦點之戰，球迷一定唔會錯過，身在西班牙嘅球迷，當然有機會入場，但門票早已賣晒，只限有飛者現場享受。據西班牙媒體指出，這場超豪華陣容大戰，有門票炒價12萬歐元（約99萬港元）最終成交，的確豪爽，也證明巴塞對皇馬極具吸引力。香港球迷又點？當然最正途方法係有機頂盒，有畀月費就可以睇廣東話評述嘅好波，而且今晚開波時間唔算夜，11點左右確係理想。