涉嫌掌摑黃浩被捕嘅曾志偉，噚晚喺觀塘與一班圈中好友開「末日派對」。噚晚11點先現身嘅志偉心情大好，更玩足近6個鐘先至盡興而走，雖然話係盡興，但佢竟然冇飲醉，冇俾人抬出嚟，似乎飲得都好節制。

今日凌晨4時40分，略帶醉意嘅志偉獨自步出，唔使人扶住行。見到記者時，更加全程笑笑口；不過當追問﹕「係咪有人慰問你？」「心情點樣」「幾時再報到？」「玩得盡興嗎？」等問題時，志偉即說：「我唔回應，唔講得。」因現場人多又叫記者小心，但記者令他上不到車時，他又語帶相關說：「畀條路我行。」