今日有雜誌報道指有o靚模涉嫌私竇援交，今午喺屯門一個開幕活動上，吳堯堯（仙樂都）同鄺芷凡等出席，另外自爆被一線女星追求嘅王璐瑤（LuLu），亦在嘉賓之列，不過大會指佢喺馬來西亞趕唔切返港。

對於援交一事，仙樂都之前都收過電話短訊，或者係透過社交網絡私訊畀佢，查問佢有冇興趣做「外賣」（即援交）。問佢點處理？仙樂都話：「我話明唔接受不道德交易，請對方自重，對方都有同我講對唔住。」

本身跟LuLu份屬老友嘅仙樂都，被問到關於LuLu被女星追求一事，佢指冇聽過呢件事，一直都冇聽過對方被女性追求。

講到胡杏兒同佘詩曼被指係疑似女星？佢就好肯定話：「一定唔係佢哋，都冇聽過佢哋出街玩。」仙樂都亦覺得TB會有一定吸引力，因為會較男性細心。