國際賽日（9日）各路高手雲集，本地見習生自然座騎銳減，巫顯東亦唔例外，全日只得第一場「超能量」、第二場「獎金大王」及第三場「怪獸剋星」共三匹座騎。

今朝（7日）7時15分左右，巫顯東首次過檔策騎「獎金大王」，於大圈跑道快跳，葉楚航在烽火台地下用望遠鏡觀操後，立即走入隧道接馬。

巫顯東對呢隻四歲質新馬亦十分喜愛，操完返飛機坪忍不住拍馬頸，落馬後再觀察馬匹神態。

「獎金大王」上仗由資深華將賴維銘，跑三班田草1200米得第三，位置派彩299元，今次停賽益咗巫顯東，今場有五磅可減，或可補中贏馬。