【從長計議】湯洛雯強調唔會突然大肚 自嘲肥已經唔係新聞
蘋果日報 2020/06/15 15:15
馬國明蕭正楠湯洛雯
「獨角和小馬」大方認愛後，獲全城送上祝福，一對戀人湯洛雯與馬國明都分別忙於開工拍劇，湯洛雯今日跟蕭正楠、沈震軒等現身電視城，為新劇舉行拜神儀式。昨日着鬆身衫現身回應拍拖一事的湯洛雯被指傳出有孕，她笑說：「梗係冇啦！點會咁快！承認拍拖、閃婚到有喜，一日發生咁多會否太快。」她再自嘲自己肥已經不是第一日的新聞，都已經報道了3年。她再指今天穿了緊身衫，令懷孕傳聞不攻自破，她再補充：「有BB唔會突然間，會從長計議。」
首次挑戰打鬥戲份劇集，差不多每日都會受傷，湯洛雯說：「我第一次拍打戲，有好多瘀傷，好彩唔係太嚴重，我媽咪都話點解每日返嚟都有瘀傷同撞傷。」心痛靚湯的何止湯媽媽，當然還有男友馬國明，湯洛雯甜笑說：「佢知道我係一個唔小心嘅女仔，成日叮囑我要小心一啲，我就成日答佢『知道啦！爸爸！』」
湯洛雯指生BB會從長計議。
蕭正楠（左）與湯洛雯（右）在新劇中有段悽美感情故事。
眾演員為新劇舉行拜神儀式。
湯洛雯昨日身穿鬆身衫，即傳出疑似懷孕。（資料圖片）