【金球獎】《星聲夢裡人》31歲導演戴米恩年輕有為 中學曾想做鼓手
蘋果日報 2017/01/09 12:59
金球獎鼓動真我WhiplashLa La LandDamien Chazelle星聲夢裡人戴米恩查素
- 第一部執導作品係2009年環繞Jazz嘅音樂劇《Guy and Madeline on a Park Bench》。
- 不過《Guy and Madeline on a Park Bench》戲中演員都唔係正規專業演員。
- 第二部作品已經為人認識，就係講打鼓嘅2014年《鼓動真我》（Whiplash）。
- 戴米恩中學時期想成為鼓手，不過知道自己唔係音樂人材料。
- 《星聲夢裡人》就係講一個想成為演員嘅女仔，同一個失意Jazz鋼琴家嘅追夢及愛情故事
由戴米恩查素（Damien Chazelle）執導嘅《星聲夢裡人》（La La Land）今日於金球獎頒禮掃橫掃7個獎項破紀錄，其實戴米恩查素只是得31歲，相當年輕，而且《星聲夢裡人》只係佢第三部電影作品，雖然佢資歷尚淺，不過功力唔可以睇少。佢每部作品似乎同音樂都扯上關係，第一部執導作品係2009年環繞Jazz嘅音樂劇《Guy and Madeline on a Park Bench》，不過戲中演員都唔係正規專業演員。
第二部作品已經為人認識，就係講打鼓嘅2014年《鼓動真我》（Whiplash），由J.K.西蒙斯（J.K. Simmons）扮演魔鬼指揮，逼Miles Teller打鼓打到最好。該片於奧斯卡獲得最佳男配角、最佳剪接及最佳混音。
而《星聲夢裡人》就係講一個想成為演員嘅女仔，同一個失意Jazz鋼琴家嘅追夢及愛情故事。三部電影都同音樂有關，似乎係同戴米恩中學時期想成為鼓手有關，當時亦有個好惡嘅音樂老師，不過戴米恩當年知道自己唔係做音樂嘅材料，所以就轉投學做電影，於哈佛修讀電影，並於2007年畢業。
而《星聲夢裡人》就係講一個想成為演員嘅女仔，同一個失意Jazz鋼琴家嘅追夢及愛情故事。三部電影都同音樂有關，似乎係同戴米恩中學時期想成為鼓手有關，當時亦有個好惡嘅音樂老師，不過戴米恩當年知道自己唔係做音樂嘅材料，所以就轉投學做電影，於哈佛修讀電影，並於2007年畢業。