已返港嘅李心潔，本來一早就喺微博講好，話一早買晒飛，準備噚日(19號)就會去文化中文欣賞老友林奕華嘅音樂劇《梁祝的繼承者們》。

心潔一直未就彭順同Liddy（李悅彤）一事回應過，咁大班記者就梗係去到文化中心等，由下晝2點半嘅日場，到夜晚7點幾嘅夜場，都係唔見心潔本尊出現。

不過到今日傍晚，心潔就喺微博貼圖同全部《梁》劇嘅台前、幕後工作人員大合照，仲寫埋個劇嘅觀後感，心潔話：「我確定這一輩子都會是林奕華導演的鐵粉絲，從成為他的觀眾到他的演員再回到觀眾的身份，每一次都在他的作品裡獲得無限的滿足、娛樂和領會。林導一直用他強大的意志力、才華、精神和體力帶領他的團隊和觀眾往前走，走出一部又一部風格獨特、富有創意、內容豐富緊貼現代社會和人性的舞台劇。梁祝觀後感」

梁祝呢個咁淒美(或者有人理解係淒慘)嘅愛情故事，心潔似乎真係領會咗好多，唔知對佢同彭順之間灰暗嘅婚姻生活有冇幫助呢？