李嘉欣應邀為廣州「麗柏廣場」旗下的時尚雜誌《LAPERLEFashionExpress》創刊號拍攝封面，她先後穿上LouisVuitton、ChristianDior、Fendi、Hermes、Celine和Prada六個名牌的時裝拍照。李嘉欣早前到了米蘭旅行，可是轉機往巴黎時卻遺失了行李，幸好在結束行程回港前夕，她的行李戲劇性地失而復得，令嘉欣感到非常開心。
送回酒店
李嘉欣早前先到了意大利米蘭購物，然後再到法國巴黎，轉機期間不幸遺失了兩件行李，令她非常肉痛。李嘉欣說：「我唔見咗兩箱行李，當中除咗有我啲私人物件外，重有喺米蘭買嘅新衫。我最初都好唔開心，不過喺巴黎臨走前嘅一晚，嗰兩箱行李竟然送番嚟我間酒店，能夠失而復得，真係好開心。不過，因為我之前諗住唔見晒啲嘢，所以去到巴黎都買番晒相同嘅新衫。」
狂掃靚衫
問到李嘉欣此行最大收穫是甚麼，她說：「我買咗Chanel嘅古董高級訂造服同YSL靚衫，真係好開心。」
此外，嘉欣在法國期間，當地正好舉行時裝展，到處都遇到不少國際級名模，令她相當興奮，同時卻留有一絲遺憾，嘉欣說：「最可惜係見唔到我最欣賞嘅巴西名模GiseleBundchen（里安納度前女友）。」