陳展鵬想再追個B陪小豬比 陳煒否認跟醫生男友計劃結婚

蘋果日報 2020/12/29 17:59

陳展鵬單文柔陳煒醫生結婚
    陳展鵬與太太單文柔結婚2年，囡囡「小豬比」陳諾瑤亦將近2歲，最近有傳他們一齊去睇中醫調理身子，準備追仔湊個「好」字，陳展鵬今日與陳敏之、陳煒及袁文傑等藝員在將軍澳出席宣傳活動，他表示自己較相信中醫，太太以往多數睇西醫，他就經常帶太太睇中醫調理身體，因為始終生育過，的而且確有再生小孩的想法：「因為而家都差唔多兩年，都係同小豬比一齊生活，呢兩年基本上都好少見外面啲朋友，或者係帶佢返學，我哋都覺得佢有啲悶。」
    提到他今年無得入圍爭視帝，陳展鵬強調不感到可惜，這兩年是人生中的一個轉捩點：「我有個B啦！結咗婚，我都需要再安排一啲我自己嘅人生計劃，我媽媽之前病得幾嚴重，有呢個時間可以陪佢，度過艱難嘅時間，呢樣先係最重要。」
    此外，煒哥被指跟拍拖年半的醫生男友陳國強（Aldous）開始同居生活，更有計劃拉埋天窗？她否認說：「冇啲咁嘅事，完全係編出嚟，暫時都係保持現狀，其實我覺得而家都係工作比較重要，大家一直相處得幾好，keep住呢種方式都唔錯。」
    empty
    陳展鵬今年無份入圍爭視帝。
    empty
    陳煒無計劃再結婚。
    empty
    陳展鵬种和太太單文柔睇中醫調理身體準備再生B。（IG圖片）
    empty
    小豬比將近兩歲，越大越可愛。（IG截圖）
    empty
    陳煒和醫生男友拍拖年半，曾被目擊一起去睇樓。（資料圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！