周二亞冠盃分組賽，港超代表東方龍獅主場以0:1僅負韓職的水原藍翼。東方上半場守和對手，逼到藍翼要換上主力才能入到波，贏得香港網民的稱讚。網民稱讚東方防守部署好，輸一球是「收貨」以及「有交代啦」，但他們亦表示香港體能差，「衰收尾」也是無可厚非。

談論到誰是今場東方的最佳球員，網民議論紛紛，有人稱「王子」黃梓浩大踢爭氣波，在左路防守十分搶鏡。黃梓浩首戰對廣州恒大開波三分鐘就被逐，淚灑球場，成為東方大敗的罪人；這名23歲守將停賽一場後，今仗復任正選。另外，今場踢防中的「牛榮」謝敏榮也得到網民力讚，不少人都認同他發揮最好。不過，有些網民就批評教練「牛丸」陳婉婷換人反應慢，但亦有人為她講說話，指東方後備席也欠可擔大任之人。

NG Kenneth：「對手右邊傳中，中間三個前鋒空晒，被對手輕鬆頂入，都系體能下降嘅問題。」

Raymond HO：「賽程密、傷兵滿營、體力透支……等，雖然0:1敗陣，但相信球迷對東方龍獅今晚的表現會感到滿意。」

Moon Sing Fok：「香港球隊的老毛病，打70分鐘好波，最後20分鐘跌Watt，好明顯輸嗰球係體能下降而防務上的失誤，如果嗰球喺上半場就，唔會畀佢一個人任頂！」

Ivan Shum：「今場東方雖然缺少兩個外援，但打得仲好過對川崎。上半場一對中堅表現完美，加上葉鴻輝兩次撲救保持不失。下半場東方喺生波造到兩次順暢埋門，包括康廉禁區頂射高，係少有唔靠死球造到威脅。下半場葉鴻輝反而冇需要撲救，遺憾一次走甩對方莊拿芬（上次又是他對恆大入波），惟整體表現已令人滿意。」

資料來源：香港本地足球專區fb