張敬軒去年底開始橫掃樂壇各大頒獎禮，威脅幾位一線男歌手，最近他幾次公開說話都表現得異常自信，因此獲得「張勁囂」花名，前晚他在將軍澳電視廣播城苦惱地表示自己的好成績讓他患得患失，花名正好提醒他做人要謙虛。

張敬軒憑歌曲《酷愛》在各樂壇頒獎禮上搶獎，繼在商台頒獎禮捧走多個大獎後，最新消息是他將憑該曲與師兄陳奕迅的《Cryingintheparty》爭無綫勁歌的金曲金獎，人紅自然多是非，日前有報道直指他為「張勁囂」，面對陳奕迅、李克勤及古巨基等前輩說話句句有骨，軒仔變囂仔。前晚軒仔以有份候選全年傑出表現獎歌手身份於將軍澳電視城錄影《勁歌金曲》，他臉上少了得獎光彩，看來心情鬱悶，他說：「我唯一要澄清嘅係《勁歌》金曲金獎唔係我嘅囊中物，有歌攞到十大已經好好。」

急電校長求賜教

至於被指囂張，軒仔解釋：「我自己講嘢未夠技巧，有啲嘢唔係交代得咁清楚，有呢啲報道係好事，可以提醒我要謙虛同謹慎。相信我身邊人會明白我，由細到大我都唔係囂張嘅人，唔係咁有自信，我有呢個成績係有啲患得患失。」談到被指揀工作，軒仔則說：「我從來都冇，只想一個來自廣州嘅歌手可以喺紅館開個唱，希望自己能夠做到，呢個係情意結。」
軒仔謂他看完報道即致電譚詠麟（校長）問意見，他說：「校長話呢啲只係開始，陸續有嚟。」他又謂最擔心歌迷會相信他是如報道所指的人，尤其內地歌迷很相信傳媒，他說：「我有心理準備，當係個教訓。」至於和陳奕迅間的關係，他說：「同佢唔熟，但相信佢會肯定我嘅人格。」

鄧麗欣成犧牲品

前晚除軒仔外，謝安琪、鄧麗欣、孫耀威、陳柏宇、EO2及關心妍等候選歌手也有到場表演，陳慧嫻則以前輩身份演唱。鄧麗欣現場演繹《電燈膽》，雖然危危乎但幸未走音，談到該曲本入《勁歌》十大，有傳其公司欲將名額轉給側田的《男人KTV》，鄧麗欣說：「未到最後都唔知，獎得十個，有就當鼓勵，冇都冇所謂，唔會影響我心情。我入到女歌手五強已係驚喜，我好樂觀嘅。」變犧牲品有否不快？她說：「我唔會咁諗，未得到唔叫失去。」
謝安琪最近被指窮得要與老公張繼聰想辦法賺奶粉錢，要擺年宵賣年曆，她說：「我同朋友夾咗6位數，以家庭為概念每年推出產品，賺嘅錢全數捐去做善事，今年會捐畀匡智會。」
採訪：楊潔雯　攝影：林德雄