近年好多模返內地打碟搵銀，仙樂都上周六凌晨與新晉跳舞組合JS6四位成員到江門一間酒吧登台，吸引近千人入場。

負責打碟的仙樂都穿黑色低胸裝力谷32D上圍，魅力不遜台上騷腿露腰的JS6，不少人伸手欲摸，情況混亂。其間有一位中年男士突破防線，走上打碟台跟仙樂都聊天，這位急色男越哄越埋，更突然用雙手撲向仙樂都胸前，仙樂都即時縮開，並以雙手架開他，但身邊冇人有反應，打碟拍檔亦沒伸出援手。
仙樂都連番被非禮大感無奈，她昨日在電話中說：「係啦，啲人太熱情，因為好多人都話自己係高幹子弟，一時話係省政府秘書，一時又話自己坐咗幾個鐘頭車嚟睇我打碟，我都阻止唔到人上台。」仙樂都最初以為大家都好斯文，但遇上急色漢卻有點招架不住，她說：「佢差啲摸到我個胸，好彩我敏捷避開咗，見身邊冇人理，咪係咁踢隔籬個男DJ，叫佢幫我解圍。」

仙樂都認為在夜場打碟性感打扮是無可避免，她說：「登台好難唔性感，唔通着樽領衫咩？個場好似冇開冷氣，我着到咁都出汗。」問她日後會否加強保安？她說：「都會，以後叫我經理人坐喺隔籬睇我打碟。」　採訪：林妃