僱傭條例規定，僱主須於員工離職後七日內發放薪金。但一間速遞公司職員投訴，離職後追討薪金及墊支款項多時仍不果，僱主又不出席勞工處的調解會，令他追討無門。有勞工團體指，勞工處先後收到二十一宗投訴同一速遞公司欠薪，但一直未提出檢控，勞工處執法過於寬鬆。

「我嗰日聽到勞工處啲人話好多人投訴呢間公司拖糧，就心諗自己都好好彩，有行家事先通水，而且我只係返咗兩日工，都唔係好傷。如果唔係咪同白做冇乜分別？」
《蘋果》讀者黃先生於上月六日和七日，在尖沙嘴山林道的世紀（嘉聯）速遞服務中心任職速遞員，每天薪金二百元，他於工作兩天後因私人理由而辭工，其間並曾墊支交通費約一百元。
事後，他曾多次聯絡該公司，欲追回他應得的五百元，但總被拖延。他遂轉向勞工處求助，但該速遞公司連調解會也不出席。「我自己追又追唔到，由勞工處同我跟進，佢哋都係咁，連政府部門都唔怕。我已經係唔知第幾十個俾呢間公司拖糧，咁我惟有搵報紙，起碼可以畀多啲人知道呢件事吖。」
他現正考慮會否轉向勞資審裁署申訴，暫未作決定。
本報曾聯絡世紀（嘉聯）速遞服務中心，但至截稿仍未收到回應。