當年今日
關於我們

汽車專題:
楂越野路華Discovery遊新西蘭好玩到震

蘋果日報 2003/01/27 00:00


近年,香港新興駕車旅遊活動,唔少人組團北上中國,甚至乎踏足絲綢之路㖭!然而,向以風光明媚、有世外桃源美譽嘅新西蘭,不僅有《魔戒傳說》取景而名噪起來;佢重有唔少如詩似畫嘅名勝地方,好啱駕車瀏覽一番㗎!早前,筆者有幸參與,由越野路華代理舉辦嘅新西蘭越野之旅,響長達10日近一千公里嘅車程中,重踏足咗北島唔同嘅角落,攀山涉水嘅Off-road滋味,真係令人難以忘記㗎!

特約記者、攝影:李勤 
鳴謝:越野路華香港(27132383)
拐子角塘鵝保護區歎為觀止
車程從早上8時出發,經過近個半小時有多嘅路程,車隊終於到達位處內皮爾(Napier)靠近東邊嘅拐子角(CapeKidnapper),當愈接近山頂懸崖邊時,一陣又一陣塘鵝嘅啼聲愈見嘹亮,皆因有近千隻塘鵝,聚集在此築巢歇息,場面實在令人歎為觀止呢!
羅托魯瓦一嘗水陸漫遊
響景色宜人嘅羅托魯瓦(Rotorua)湖畔區,不單止好啱水上活動同露營,原來重可以畀全天候嘅四驅越野車涉水漫遊㖭!當筆者乘坐隊中一部Discovery穿越湖中都好奇地不時向後望,睇睇其他團友嘅Discovery怎樣前進,原來如在沙灘上行車一樣,響鬆軟嘅河床上行車亦要快慢得宜,太快的話只會令湖水濺入引擎而導致車輛死火,難以繼續前進呢!
奧克蘭110公里長灘飛馳
你可曾試過響沙灘駕車飛馳嘅滋味呢?如果未的話,相信當你試過,定必大叫好玩;皆因今次活動響一個臨海嘅沙灘,要於一小時內行走長達110公里嘅路程,加上潮汐漲退嘅關係,若然一不小心,更會令車子陷於沙中動彈不得,又或者因輪胎面被細沙填平,難而抓實路面導致失控㖭!從而可想像到響沙灘上行車,絕非一件易事呢!
駕車旅遊生活篇
今趟新西蘭10日越野之旅,除咗有近一千公里車程,令人印象深刻之外,行程當中重安排有上天(跳傘)落水(噴射快艇)嘅節目,給參與嘅團友大開眼界兼盡興。

高空跳傘欣賞南北兩島景色
陶波湖釣彩虹鱒魚
陶波湖玩JetBoat好過癮
其他玩樂花絮