回南天又番嚟啦！一年之中，我最討厭嘅季節，全天候無間斷咁「濕濕立立」，搞到我周身都唔聚財。

一部空氣清新機已經要長開，而家再整多部抽濕機，覺都未瞓醒已經又要去倒水，仲要同班師奶爭抗炎祛濕茶湯包。

算啦！唔呻啦！要搵番啲派彩交電費買湯料，輕輕幫補吓。

周三（11日）第二場四班1200米，呢幾隻唔濕身又唔立腳，一於四隻互串搞掂。

「首飾傳奇」跑乜都識近，一路都有啲進步，呢幾轉晨課喪拍好醒神，勒住都盡現鬥心。

千二點都好氣過千四，呢次4檔搶個包廂位，一定超級好跑。

「索先生」又返嚟第四班蝦細路啦！狀態唔跌，又有得爭。

10檔換啲賠率，少快馬同本身唔慢，肯楔就會二叠擺前容易發揮。

「威風駿馬」季內泥草地短途都入Q，就係仲未出頭。

趁今次少快馬，自己有檔又最具前速，如果慢放就發達啦！

「得賞」贏完無跌watt，晨課照舊湧住去，撞正磅輕檔利，轉吓場地對手，開心作賽又有權交出驚喜。

-------------
【馬後炮】520萬拍賣馬一步都冇！
棟哥繼續鬧爆呃錢馬呃錢騎師！
-------------
【足總主席專訪】曾填錯飛都中580萬三T！
貝鈞奇：年青一代要發揮港人永不放棄精神
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩