【爆相爆片】關之琳（之之）原來是蘋果手機粉絲，iPhone X推出一星期，她已火速到手，由於之前用開iPhone 7 Plus，所以轉新機都要時間習慣。日前，本報讀者蘇小姐透過《蘋果》爆相爆片，直擊之之去蘋果店求助。
上星期三，潮着粉紅珍珠bomber jacket的之之戴上黑超，與一位女友人在中環ifc的Apple Store找店員求助，蘇小姐表示：「當時大概下晝4點幾，間店經常都好多人，個個都忙緊試機，所以冇乜人留意到關之琳喺度。嗰時見佢攞住部銀灰色嘅iPhone X問緊店員，應該係想轉資料落新機，枱面亦都冇拆盒，所以唔係嚟攞機。」

全程有禮貌

蘇小姐補充之之全程表現得好有禮貌，談吐陰聲細氣，更不時向店員講唔該，最後店員幫她解決新電話設定上的問題，她就如少女般開懷大笑，不過蘇小姐表示離開時，之之還有其他問題向店員討教。此外，之之現應該身在巴黎，昨日在Ig貼了三張新相，除浪漫在街頭行，更有一張是盛裝置身餐廳的相，疑似是廣告相造型。
撰文：唐如