中環在線：天福董事局李家晒冷 - 李華華
蘋果日報 2011/09/13 00:00
今日招股嘅天福控股（6868），七代都做茶業生意，最有趣係公司董事局5位執董，由李氏家族一手包辦。
75歲嘅李瑞河係天福董事長。佢兩個仔李家麟係行政總裁兼執董，李國麟亦係執董。除咗兩個仔，執董仲包括佢兩個姪李世偉同李銘仁。9個董事局成員中，5個係家族成員都唔止，獨立非執董亦有一位李氏宗親會成員李均雄。
75歲嘅李瑞河係天福董事長。佢兩個仔李家麟係行政總裁兼執董，李國麟亦係執董。除咗兩個仔，執董仲包括佢兩個姪李世偉同李銘仁。9個董事局成員中，5個係家族成員都唔止，獨立非執董亦有一位李氏宗親會成員李均雄。
超人四叔都唔夠佢嚟
高級管理層亦係李家天下，任職副總裁嘅李勝治係李瑞河姪仔，綜合管理部副總經理李茂林，同營銷及企劃部主管李彥屏，都姓李，雖然同姓三分親，但同李瑞河冇直接親戚關係。
香港人熟識嘅超人李氏家族，旗下長江一號20個董事局成員中，都只係得3個李氏家族成員，包括首富李嘉誠、大仔李澤鉅，同襟弟甘慶林。至於另一李氏家族，四叔李兆基旗下恒地（012），21個董事局成員中，6個係家族成員，包括四叔、細佬李達民、細妹馮李煥琼、大仔家傑、細仔家誠，同女婿李寧。至於四叔個女李佩雯，只係做高級管理層，任職租務部高級總經理，冇入到董事局。
李華華
mailto:[email protected]
香港人熟識嘅超人李氏家族，旗下長江一號20個董事局成員中，都只係得3個李氏家族成員，包括首富李嘉誠、大仔李澤鉅，同襟弟甘慶林。至於另一李氏家族，四叔李兆基旗下恒地（012），21個董事局成員中，6個係家族成員，包括四叔、細佬李達民、細妹馮李煥琼、大仔家傑、細仔家誠，同女婿李寧。至於四叔個女李佩雯，只係做高級管理層，任職租務部高級總經理，冇入到董事局。
李華華
mailto:[email protected]
