韓國人氣綜藝節目《Running Man》女星宋智孝主演嘅JTBC劇集《老婆這週要出牆》，將於大後日播出大結局，而智孝近日受訪時表示遇到自己嘅人生作，亦透過「鄭秀妍」呢個角色去搵返自己。

智孝表示：「鄭秀妍呢個角色看似好完美、好叻，但其實只係唔想自己做嘅嘢有失誤，所以咩都自己攬晒上身，最終負擔太重，又有太多顧慮而失去咗自我。其實呢個角色同我自己嘅性格都好相似，亦係好畀心機、好努力去生活，雖然會覺得鄭秀妍好可憐，但我演繹時覺得好有共鳴，同時透過鄭秀妍，我都開始去回顧下以前，去搵返自己。」