這次（27日）快活谷夜戰，終於報名較熱鬧，也場場出足滿額，將採用C加3跑道角逐，場地偏狹窄。

今季賽事已進行了七次，不少馬匹已熱身，甚至跑了兩仗，既有賽程根據，而狀態有所提升，這些馬要優先留意，爭勝機會可睇高一線。

葉楚航馬房剛戰（24日）憑「僥倖」贏博愛盃，明晚（27日）第六場盃賽有新勝馬「紅星」出戰，有望再次捧盃。

第六場第三班1200米（花旗集團短途挑戰盃）
「紅星」承接上季贏馬餘勢，今季狀態一操即起，初出在四班跑同程，配羅理雅負重磅，該役遇上慢步速不利追，結果末段遲遲才望空，即追入季軍。

上仗借用潘明輝減七磅，即能補中；馬房打鐵趁熱，乘五歲馬當銳，繼續派遣上陣，上三班不須負重磅，難得潘頓可以造磅，便交由他執韁，始終對手已增強。

睇今場形勢，有「八之之友」及「競駿時代」等快馬，步速唔會慢，排6檔做好走位留放，憑銳勢有力再建功。

「勇敢傳說」剛戰以後備補出，一條直路殺敗對手，爆冷打開勝門，容天鵬今季頗進取，至今已贏四場。此駒在三班一定留唔住，復課快跳淡定勁力貫注，勇熟並進，是前駒最強對手。

「育馬妙星」上仗準備不足，但都追得接近，畢竟是路程專家，熱身後勇態急升，排檔內移（3檔）有助發揮，不容輕視。

「叫關健康」忠心準繩，雖然排外檔（11檔），但韋達騎慣騎熟知留放，上名率甚高，是配腳之選。

其餘馬匹方面，「競駿時代」保持贏馬勇態。「八心之友」排靚檔（1檔）夠快，都可兼顧。