隔牆有耳：
出席活動隔兩個位坐
琼子拒黐根︰畀啲空間 - 李八方
蘋果日報 2016/06/08 00:00
自稱係民記瘜肉嘅「Tree根」鍾樹根，喺民記「棄根」後，噚日再次同黨主席李慧琼同場出席一個比割瘜肉嚴重得多嘅行動，就係消滅癌魔。琼子同Tree根雖然同場現身，但兩人就大部份時間相隔兩個位坐，完全係貌合神離。
琼子唔知係咪怕尷尬，一到場即講明唔答問題，其後又改變主意肯答記者提問，叫大家畀啲空間Tree根思考吓，話一直希望爭取Tree根排第二出選，最終選舉安排要由中委會決定，「頭先我同佢（Tree根）都有交流，會夾時間再傾。」講完，就快閃離開。
琼子唔知係咪怕尷尬，一到場即講明唔答問題，其後又改變主意肯答記者提問，叫大家畀啲空間Tree根思考吓，話一直希望爭取Tree根排第二出選，最終選舉安排要由中委會決定，「頭先我同佢（Tree根）都有交流，會夾時間再傾。」講完，就快閃離開。
Tree根︰畀啲支持我好唔好
到Tree根上台致辭時，就分享家中不幸，話自己有個好親嘅家人前年患癌，令佢感同身受，受到好大折磨，仲喺台上呼籲︰「我哋好需要關心癌症病人同佢哋家人朋友，各位朋友，畀啲支持我好唔好啊？」贏得台下掌聲回應，不過佢之後就快閃走人，臨走時仲拎起個電話猛講，一個問題都冇答就走咗。
喺Tree根同琼子離場後至現身嘅立法會主席曾鈺成，拒絕表態，僅話會尊重民建聯決定，又話Tree根知道點樣做法先對民建聯、自己同成個建制派最有利，相信佢會作出「明智決定」喎。問到民記近日連爆兩單「醫療事件」，會否影響立法會選情時，阿曾就笑指：「我唔覺得嗰兩單係民建聯嘅醫療事件嚟喎！」就轉身離開，莫非民記割瘜肉先算係醫療事件？
喺Tree根同琼子離場後至現身嘅立法會主席曾鈺成，拒絕表態，僅話會尊重民建聯決定，又話Tree根知道點樣做法先對民建聯、自己同成個建制派最有利，相信佢會作出「明智決定」喎。問到民記近日連爆兩單「醫療事件」，會否影響立法會選情時，阿曾就笑指：「我唔覺得嗰兩單係民建聯嘅醫療事件嚟喎！」就轉身離開，莫非民記割瘜肉先算係醫療事件？
二人全程冇乜交流，完場後各自快閃離開。