【韓流】離台狂收禮 孔劉凌晨唔願瞓孖工作人員狂玩
孔劉
【新增孔劉離台內容及圖片】
韓劇《鬼怪》男星孔劉噚日飛去台灣,為代言嘅手機品牌宣傳,吸引粉絲通宵排隊等見佢。完成活動後,孔劉先去東區食飯,之後再返文華東方酒店休息。可能孔劉心情好,噚晚佢跟工作人員於酒店房內就玩得非常開心,凌晨時其中一名造型師更於Instagram開直播,公開眾人於房內玩樂嘅場面。
噚晚孔劉穿上間條衫配白短褲,於房內跟工作人員傾計,期間佢更指揮音樂,非常投入。當佢見到鏡頭對住自己時,又立即匿去工作人員身後唔肯上鏡,場面好笑。
而孔劉休息一晚後,今日就未有出外,直到傍晚近5時先從酒店出發。抵達機場後,因航班延誤,孔劉直到晚上6時55分先出現登機閘口,唔少粉絲喺候機室等孔劉出現,仲成功送上禮物,孔劉亦親切地收下禮物。登機時,排隊喺前方嘅粉絲趁勢回頭送上禮物,辦理登機手續嘅華航地勤職員見到孔劉時,可見職員個樣都勁冧。