今年銀禧紀念的《蘋果日報》由創刊開始，馬經版憑資料齊、名家多、版面靚，贏盡口碑更是全港首間傳媒有網上版《蘋果》馬網。

創報總編輯羅燦當年一手創立《蘋果馬經》，他說：「老闆Jimmy（黎智英）都贊成大搞，當時提倡97後『馬照跑、舞照跳』，估計馬迷約有三、四十萬之多，數量同球迷差不多。」

「所以一定要滿足馬迷需求，馬經需要做得更專業、資料更齊全，做到與其他馬經不同。」

《蘋果馬經》係全港首間派記者到海外採訪傳媒，亦係首份馬經有資料組，派攝記影馬匹沿途走位相，之後令不少報館都相繼跟隨。

羅燦指：「當初馬經版主管請了這麼多人（近40人），我都嚇了一跳，但採訪、攝影及資料搜集，確實需要大量人力。」

隨着科技進步，燦哥認為馬經版要與時並進：「要留住讀者，就要在資料分析上行多一步，運用AI（人工智能）幫讀者度馬這是大勢所趨，希望《蘋果》馬經繼續努力。」

與《蘋果》95年創刊同年來港開倉，今年崔護重來的澳洲籍練馬師大衛希斯提到，雖然自己唔識中文，但員工都成會同佢講《蘋果》馬經有甚麼報道，只要想起有關香港賽馬新聞，就會諗起《蘋果馬經》。

當年跟希斯鬥個不亦樂乎五屆香港冠軍練馬師簡炳墀，佢話由創刊至今都係睇《蘋果》，特別欣賞老闆黎智英。

簡炳墀指以前跑馬有貴族感『英皇御准』聽落都幾威，不過現時就好似平民化啲，時代不斷變緊，馬圈同馬經一樣都要同時代接軌。

專欄作家香樹輝談賭馬、養馬、寫馬數十年，香帥係1984年成為馬會會員，2007年晉身遴選會員，本身更養過唔少馬，名下馬名均取材自中大新亞書院校歌。

佢接觸賽馬，從50年代仍未讀小學已開始，佢話爸爸教佢睇馬經認字、寫字，上到小學識嘅字比同學多。

事關馬經學到文字同數字，有賠率、有派彩呢啲數字，又啟發到佢嘅運財思維，所以大學就選讀經濟。

同時香帥亦認為現今賽馬已步入大數據年代。

--------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199