【靚唔係大晒】ViuTV女主持娟姐豪邁率直 勁講有味笑話吸like
蘋果日報 2020/03/06 18:50
金剛練美娟金剛旅神團
（電視畫面截圖）
【新增內容】
金剛為ViuTV主持的旅遊節目《金剛旅神團》今晚將會播出第五集，金剛與ViuTV四位小花陳俞希（Hailey）、沈殷怡（Shirley）、余逸思（Yoshi）和練美娟（娟姐）介紹東京最抵玩、抵食和新奇好去處，雖然東京是香港人其中一個熱門的旅遊勝地，分分鐘去的旅遊點比節目介紹的還要好玩，不過仍然無損今次的可觀性！
Shirley和Yoshi近期都是網民追捧的人，皆因她們樣靚身材正，不過今次跑出的，竟然是人稱娟姐的練美娟，事關她經常被金剛「腰潤」，不時奚落她欠缺美貌，但難得她不介意之餘，不時攝位與金剛互窒，在第一集在市集試辣椒，個個被辣到面容扭曲，惟獨是一人面不改容，令網民留下深刻印象，其後她在FB留言：「我終於可以名正言順叫自己辣妹，確定無誤，RIGHT？」在昨晚播出的第四集，她們一行五人去玩人工衝浪場，面對靚仔教練，毫不介意地飛禽大咬，又不時講有味笑話：「我本身都鍾意長，但係我本來覺得自己唔得，但係我一見到男人，就好似沙漠入面見到水一樣，就即刻想慢慢撲去，所以咪覺得叻囉。」
事實上「娟姐」已在ViuTV亮過相，在2017年曾經主持過《Girls' Talk》和《磚。家》，去年亦主持《全日情侶診所》和《晚吹 – 啪啪 Partner》，當時已經有人欣賞她的豪邁率直，覺得她可以帶動氣氛。
娟姐今日接受《蘋果》訪問，對於節目播出後的迴響，她說：「完全冇諗過，真係受寵若驚。其實我都係由呢一個節目先開始留意網民嘅所有留言，好嘅壞嘅留言，我全部都有睇，我而家直頭日日mon實啲post添，多謝大家喜歡呢個節目，喜歡我。」在芸芸的留言中，娟姐坦言最難忘的，一定是這個留言：「佢哋話我為『ViuTV麥美恩』，因為我本身的確好欣賞佢，所以好開心。By the way 我想喺度提番各位網民，我真名係練美娟呀！」
至於在個整個行程中，覺得那一幕最好玩？娟姐說：「其實成個過程都好正，因為金剛大哥真係好玩得冇底線，基本上每次roll機，我哋都係諗緊點樣玩對方。最記得係第二集食吞拿魚嗰度，師傅明明講好咗嗰2粒勁好營養嘅骨髓係畀兩個女主持食，金剛係都要整鬼我搶走咗，所以最後終於有得食時，我嬲嬲地咪成舊啪咗入口囉，唔好蝕呀！」她還說：「節目上我咪成日打佢嘅？我係用真力㗎！每一次off cam佢都有叫我細力啲，我呢，哈哈，就梗係詐詐諦扮聽唔到啦！」
娟姐的豪邁表現，令觀眾留下深刻印象。（電視畫面截圖）
娟姐自封為辣妹。（電視畫面截圖）
娟姐經常與金剛「互窒」。（電視畫面截圖）
（電視畫面截圖）
娟姐亦有在節目晒身材。（電視畫面截圖）
（電視畫面截圖）
娟姐之前已經為ViuTV主持節目。（電視畫面截圖）